Steve Jobs përsëri thyen rekorde!

Biografia e autorizuar e Steve Jobs e shkruar nga Walter Isaacson ka filluar të shitet para një jave, dhe e njëjta menjëherë është shndërruar në njërën ndër librat më të shitur.

Për më shumë, pritet që bestselleri për Steve Jobs të shndërrohet në njërën prej librave më të shitur të vitit 2011, nëse nuk thyen edhe ndonjë rekord tjetër.

Për ta dëshmuar se sa i famshëm është bërë ky libër flasin edhe shifrat e fundit të shitjeve, ku vetëm për një javë, libri për themeluesin dhe drejtorin e Apple është shitur në më shumë se 379 mijë kopje.

Dhe këto të dhëna vlejnë vetëm për SHBA’të, pa përfshirë edhe vendet tjera ku ky libër është paraqitur në treg.