Zbulimi dhe fshehja e hireve femërore!

Leonora Poloska, Orinda Huta dhe Big Mama këtë vit fshehin linjat, Kaltrina Selimi, Besa Kokëdhima, Teuta Kurti e Jehona Sopi nuk zhvishen asnjëherë, Arta Bajrami, Ledina Celo dhe Edona Llalloshi i thonë “jo” bikinit pas lindjes, Angela Martini gjithmonë shfaqet topless kurse fotot e Zanfinës në bikini, kushtojnë shtrejtë!Kështu mund të përshkruhet pak a shumë situate nëpër të cilën janë duke kaluar këngëtaret tona. Derisa disa nuk e kanë aspak problem të shfaqen në bikini pasi zotërojnë linja të bukura trupore, disa prej tyre i fshehin linjat, madje dia frikësohen të shfaqen në bikini për shkak të celulitit që e kanë në trup. Verën e kaluar lexuesit e “Panorama plus” kishin mundësi të shohin për herë të parë disa foto në bikini të këngëtares Big Mama e cila këtë vit si duket nuk ka dashur të zbulojë trupin e saj edhe pse nuk dukej aq keq në format trupore pas rënies nga pasha të cilën e kishte bërë disa muaj më herët (atë kohë).

Njëjtë si Bigi, këtë vit nuk u zhvesh as Orinda Huta e cila edhe pas udhëtimit me Turin në pushime nuk dëshiroi t’iu japë fansave të saj ndonjë imazh më sensual, e ndoshta këtë gjë e kishte të ndaluar nga i dashuri Turi, pasi vitin e kaluar Orindën kishim mundësi ta shihnim në bikini dhe linja të bukura gjatë pushimeve në Kroaci dhe Turqi, e derisa këngëtatja tjetër që është zhdukur prej një kohe Leonora Poloska poashtu ka “bllokuar” për mediat imazhet e saja seksi. Ka kohë që Poloska nuk është shfaqur me ndonjë fotografi të re edhe pse pushimet ajo më shpesh i bën në plazhet greke, kurse poashtu vitin e kaluar patëm mundësi të shihnim disa foto të saja në bikini dhe me linja të bukura. Në anën tjetër janë disa këngëtare që deri më tani asnjëherë nuk janë zhveshur për fansat e tyre dhe të tregojnë se me të vërtetë edhe ata kanë fizik të bukur.

Joshja e tyre bëhet vetëm përmes klipeve tek të cilat shfaqen pak më shumë ekstravagante dhe asgjë më tepër. Kaltrina Selimi, Jehona Sopi dhe Teuta Kurti, janë disa nga këngëtaret të cilat asnjëherë nuk janë zhveshur deri më tani. Kaltrinën kishim mundësi ta shohim në një version të nxehtë në klipin e saj të fundit “Hot” por jo në atë version se si këndohet kënga. E gjendur në plazh me një veshje ekstravagante por duke mos zbuluar hiret e saja edhe pse mendojmë që Kaltrina duket shumë bukur sikur të zhvishej në bikini. Teuta Kurti dhe Jehona Sopi deri më tani shumë pak ose të themi aspak nuk kanë ekspozuar pjesët e tepërta të trupit në krahasim me koleget e tjera të estradës. E derisa disa nuk pritojnë të zbulohen e disa të tjera sa më shumë vishen, ka të tilla këngëtare që janë shumë të nxehta dhe tepër seksi por asnjëherë nuk i kemi parë në bikini.Ajo është edhe kosovarja Zanfina Ismaili e cila kryeson listën si një nga këngëtaret më seksi të estradës me linja tejet të bukura trupore. Zhveshjet e Zanfinës janë me shije dhe aspak të tepruara. Është nga të vetmet këngëtare që nuk kemi pasur mundësi ta shohim në bikini, as në pushime por as edhe para aparatit fotografik. Këtë gjë e ka refuzuar Zanfina gjithmonë duke i vënë parim vetes se nuk do të shfaqet në bikini asnjëherë, të paktën për një kohë më të gjatë. Madje disa thonë se po deshe të shohish Zanfinën në bikini duhet të paguash shtrejtë pasi imazhet e saja kushtojnë shumë, kështu që cili medium don të shoh Zanfinën në ballinën e saj në forma seksi, duhet të paguajë shuma të majme.

E kur jemi tek zhveshjet, një tjetër bukuroshe shqiptare që nuk e ka problem zhveshjen është edhe supermodelja Angela Martini. Ajo shfaqet më shumë topless se sa në bikini. Imazhet e fundit të Angelës të lënë pa frymë dhe janë të ndaluara për personat që kanë problem kardiake, pasi mund të pësojnë ndonjë sulm në zemër. Angela duke e ditur që e ka punë zhveshjen, gjithmonë shfaqet e tillë sa nëpër reklama televizive, evente e në shumë raste të tjera. Pra ekrani shqiptarë ka një llojllojshmëri dhe laramani për të gjitha moshat dhe syrin e publikut, nga ato që vishen deri në fyt e deri tek ato të cilat zhvishen dhe kënaqin syrin e shqiptarëve nëpër gazeta, televizione e portale internet.

Edona Llalloshi, Arta Bajrami dhe Ledina Celo janë gjithashtu emra të njohur të cilat për shkak se janë bërë nëna, nuk kanë mundur që këtë vit të zhvishen, përkundër asaj se Arta vitin e kaluar u shfaq vetëm në bikini gjatë promovimit të disa këngëve kurse Ledina këtë vit u shfaq në plazh me djalin e saj Erlisin por e veshur me një fustan të hollë, derisa Edona akoma nuk ka shfaqur linjat e saja trupore deri më tani.

Blerand Rexhepi

ehe esht ndare bota...........