Rrëfimi i të miturit: Seks dhe drogë në takimin me priftin

Genova, 16 nëntor 2011, NOA/ Arjola Ymeraj- Don Sepia më telefonoi duke më ofruar koka, por unë në momentin e parë mendova se do më jepte Coca Cola.

Janë fjalët e një djali të mitur 16 vjeçar me origjinë shqiptare i pranishëm mes viktimave të supozuara të priftit të arrestuar në muajt e kaluar në Genova të Italisë, për abuzime seksuale dhe përdorim e shitje të lëndëve narkotike me të mitur.

I riu tregon se prifti e kishte numrin e telefonit të tij sepse një miku i tij maroken e kishte telefonuar nga celulari i tij.

Për këtë rast, në dëshminë para hetuesve i riu shqiptar dëshmoi se kishin lënë një takim me priftin për të pasur raporte seksuale por më pas ky takim u anulua sepse prifti e kishte marrë në telefon duke i thënë se takimi ishte shtyrë, sepse ai kishte pasur disa punë.

Majin e kaluar prifti Riccardo Sepia u prangos nën akuzën për marrëdhënie seksuale me të mitur, ndërsa kjo është dëshmia e fundit e ditës së djeshme krahas atyre të dhëna nga disa të rinj të tjerë në muajt e mëparshëm.

a.y/NOA