Shahu bëhet lëndë e detyrueshme për shkollat fillore

nga Emona Fri 18 Nov 2011 - 3:07

Loja e shahut është bërë lëndë e detyrueshme në shkollat fillore në Armeni. Drejtuesit e arsimit e kanë bërë shahun si pjesë të shkollimit të nxënësve nga mosha shtat dhe nëntë vjeç.

Sipas tyre kjo ka të bëjë më shumë me ndërtimin e karakterit se sa me krijimin e kampionëve të ardhshëm. Ministri i Arsimit Ashotyan pretendon se argëtimi në klasat e shkollës do ndihmojë nxënësit sa i takon sensit përgjegjësive dhe organizimit – gjë e cila sipas tij do të shërbejë si shembull për të gjithë botën.

Më shumë se 300 000 paund janë dhënë për këtë projekt për blerjen e pajisjeve, tekstet dhe instruktorët. Po ashtu 600 000 paund janë dhënë për arredimin e klasave për këtë orë mësimi.

Armenia është një vend i dalluar për lojën e shahut. Pasioni për këtë lojë u forcua gjatë periudhës së Bashkimit Sovjetik, kur vendi fitoi kampionatin botëror në vitin 1963 me Tigran Petrosian. Ai e mbrojti titullin për tre vite me radhë.