Kosovë, flamuri kombëtar “mbyt” atë shtetëror

Në Kosovë sot nuk “ekziston” flamuri shtetëror me 5 yje, kudo ndodhet ai
kombëtar me shqiponjën me dy koka. Për këtë një ndihmë të madhe kanë dhënë
aktivistë të Lëvizjes Vetëvendosje. Ata kanë zëvendësuar flamurin shtetëror të
Kosovës me atë kombëtar.

Deputetët e Vetëvendosje, të njëjtën gjë bën edhe me flamurin e Kosovës që
ndodhej para Kuvendit. Me një aksion simbolik, ata e zëvendësuan atë me një
flamur kombëtar të përmasave të mëdha.

Glauk Konjuvca tha me këtë rast se ky aksion po bëhet ashtu siç i ka hije
institucioneve të vendit tonë, duke e quajtura atë flamur “flamuri i Adem
Jasharit”, edhe pse qeveria e ka hequ me ligj flamurin dhe festën e 28
nëntorit.

“Ne jemi këtu sot para Kuvendit të Kosovës dhe Lëvizja Vetëvendosje e vendosi
në Kuvendin e Kosovës, ashtu siç i ka hije institucioneve tona flamurin e Adem
Jasharit, përkundër qeverisë, e cila ka hequr moti dorë nga flamuri i Adem
Jasharit dhe na e ka sjellë flamurin e Ahtisarit dhe nëpërmjet kësaj mënyre, ne
ua urojmë të gjithë shqiptarëve kudo që ata jetojnë Ditën e madhe të Flamurit”,
tha Konjuvca.

Ndërsa kryeministri i Kosovës zyrtarisht ka udhëtuar për në Norvegji, ku do
të ndodhet gjatë festës së “Ditës së Flamurit”. Ndërkohë presidentja e Kosovës,
Atifete Jahjaga, ka uruar popullin shqiptar me rastin e festës së 28 Nëntorit
duke u shprehur se kjo “dita me e rëndësishme e historisë sonë”.

Një ditë më parë kryetari i Kuvendit të Kosovës Jakup Krasniqi tha se
pavarësisht se nuk ndihet me ligj qytetarët dueht të njohin festën e 28 nëntori
si fetën më të madhe të kombit.

Sot në Prishtinë ndodhet dhe kreu i opozitës së Shqipërisë, Edi Rama, cili ka
zgjedhur Kosovën për të festuar këtë ditë të shënuar për gjithë
kombin. Gjithashtu sot në Prishtinë feston edhe Aleanca KuqeZi, e cila prej
ditës së shtunë ka marshuar nga Vlora drejt Prishtinës me një flamur gjigant
kombëtar.