SHBA, Universitetet "akomodojnë" studentët myslimanë

Universitetet Amerikane kohët e fundit kanë filluar të krijojnë hapësira ku studentët myslimanë që studiojnë në këto institucione të kenë mundësitë e nevojshme për të ndjekur ritet e tyre fetare. Universiteti i Bostonit përveç ndërtimit të një hapësire për ritin e faljes, ka ndërtuar edhe abdest-hanet ( vend që shërben për pastrimin).

Në Universitetin e Bostonit studiojnë një numër i madh i studentësh praktikantë myslimanë, për këtë arsye autoritetet e universitetit kanë vendosur t’ua lehtësojnë adhurimin duke i krijuar hapësirat e nevojshme.

“Pamë se shfrytëzimi i banjave tona për pastrim përbënte një problem dhe vendosëm të përgatisnim një hapësirë të veçantë për marrjen e abdesit. Studentët kanë falënderuar shumë. Dua të theksoj se studentët myslimanë nuk kërkuan nga ne të bëjmë një gjë të tillë, ne vendosëm vetë kur pamë se sa i rëndësishëm është namazi në jetën e tyre”, thotë Margot Veldivia, Drejtor i Qendrës për gjuhën angleze në Universitetin e Bostonit.

Edhe në universitetin e Michigenitm, Dearbornit dhe George Washington janë ngritur hapësira për të lejuar studentët e besimit mysliman të mund të kryejnë ritet e tyre fetare. (dritaislame/albeu.com)

sa mir gjithmon jan dalluar amerikanet per ligjin edhe per barazin e cdo kujt