Efektet pozitive të qumështit te fëmijët

nga Emona Fri 9 Dec 2011 - 1:33

Duke parë efektet pozitive të qumështit tek zhvillimi mendor dhe fizik i fëmijëve, specialistët nënvizojnë faktin se ai duhet të konsumohet çdo ditë.

Fëmijët kanë filluar tashmë një periudhë të vështirë e të lodhshme prandaj ushqyerja e tyre ka një rëndësi të veçantë për sa i përket suksesit në shkollë. Për të arritur një mesatare të mirë akademike kërkohet një ushqyerje e mirë dhe konsumimi i përditshëm i qumështit është tepër i rëndësishëm.uke parë efektet pozitive të qumështit tek zhvillimi mendor dhe fizik i fëmijëve, specialistët nënvizojnë faktin se ai duhet të konsumohet çdo ditë.

Bashkë me shkollën zhvillohen shpejt edhe ana mendore, fizike dhe sociale e fëmijëve. Mosushqyerja e mjaftueshme e fëmijëve dhe mosmarrja e mjaftueshme e përbërësve energjike dhe ushqyes ndikon negativisht jo vetëm tek rritja, zhvillimi por edhe tek performanca dhe suksesi akademik. Për këtë arsye studimet e realizuara deri tani kanë treguar se fëmijët e ushqyer mirë janë më të suksesshëm se ato të ushqyer në mënyrë të paekuilibruar. Edhe qumështi luan një rol të rëndësishëm brenda këtij modeli ushqyerjeje. Konsumimi i përditshëm i një gote qumësht do të ndikojë pozitivisht në arritjen e suksesit.

Fëmijët duhet ta fillojnë ditën me një mëngjes në të cilin nuk duhet të mungojë qumështi sepse mosmarrja e tij ul aftësinë e zgjidhjes së problemave. Mëngjesi i rregullt rrit suksesin dhe pikët akademike dhe ndikon pozitivisht në proceset e sjelljes apo të trurit ku përfshihen të mësuarit apo kujtesa. Prandaj mëngjesi duhet të shoqërohet me qumësht.(dritaislame/albeu.com)