Ja pse vret duhani

Tymi i duhanit ndihmon shfaqjen e displozisë në gojë, sëmundje të mishrave të dhëmbëve dhe i jep erë të keqe gojës. Lëkura e fytyrës fishket dhe humbet elasticitetin, merr ngjyrë si në gri dhe krijon rrudha të parakohshme. Pirësi i duhanit është shpesh herë nervoz, vuan nga takikardia. Nuk arrin të përqendrohet.

Rezistenca ndaj sforcimeve pakësohet dhe nuk mund të merret me veprimtari sportive. Është e rekomandueshme që cigarja të lihet pak e nga pak. Pakësoje paketën me një cigare në javë. Lënia e menjëhershme e cigares sjell anomali në ekuilibër dhe në sistemin nervor.

Në se lihet duhani pas 20 minutave nga pirja e cigares së fundit, trupi do të ndiejë një sërë ndryshimesh: Tensioni i gjakut, rrahjet e zemrës dhe temperatura e duarve dhe e këmbëve do të normalizohen.

Pas tetë orësh, përmbajtja e dioksidit të karbonit në gjak zbret në nivelin normal. Përmbajtja e oksigjenit në gjak normalizohet.

Pas njëzet e katër orësh lënieje, pakësohet rreziku i krizave të zemrës. Pas dyzet e tetë orësh fundet nervore fillojnë të rriten. Përmirësohet nuhatja dhe aftësia e shijimit. Shëtitjet bëhen më pak të lodhshme.
Dy javë deri në tre muaj përmirësohet qarkullimi i gjakut. Aftësitë funksionuese të mushkërive rriten në 30%. Pas tre deri në nëntë muaj pakësohet kolla e mundësia e sinoziteve. Lehtësohet frymëmarrja e cila rigjenerohet në mushkëri. Mushkëritë pastrohen. Pakësohet rreziku i infeksionit. Pas 12 muajve rreziku i sëmundjeve koronare të zemrës pakësohet dy herë.

Po kujt don ti thuash ti ketyre?Edhe pse e dine vazhdojne ta pijne perseri edhe nuk mendojne per pasojat e saj.