Sonte ndahen 10 çmimet e “Skena UP”
Sonte ndahen 10 çmimet e “Skena UP”
Prishtinë, 12 dhjetor - E diela ka shënuar fundin e garës në edicionin e nëntë të festivalit “Skena UP”. Teksa juritë e garës ndërkombëtare e asaj kombëtare dhe të shfaqjeve do të takohen për të ndarë çmimet, të cilat do të jepen sonte (e hënë) në Teatrin Kombëtar të Kosovës, për dhjetëra konkurrentë nga e gjithë bota ka filluar periudha e pritjes. Pesëdhjetë e tetë filma në garën ndërkombëtare dhe shtatë në atë kombëtare do të gjykohen nga juria për të marrë gjashtë çmime që ndahen për filmat në dy kategoritë. “Filmi më i mirë i luajtur”, “Filmi më i mirë dokumentar”, “Filmi më i mirë i animuar”, “Filmi më i mirë kombëtar” së bashku me “Skenarin më të mirë” dhe “Fotografia më e mirë” janë çmimet që presin fituesit e këtij viti. Ndërsa në kategorinë e shfaqjeve janë nëntë të tilla që sivjet konkurrojnë për çmimet “Shfaqja më e mirë”, “Regjia më e mirë”, “Aktori më i mirë” dhe çmimin “Adriana” që e ndan teatri “Dodona” për aktoren më të mirë. Sivjet në festivalin ndërkombëtar të studentëve për film dhe teatër “Skena UP”, kanë qenë mbi 150 mysafirë nga të gjitha shkollat botërore të filmit e teatrit. Gjatë shtatë ditëve të festivalit janë dhënë gjithsejtë 90 filma në të gjitha kategoritë dhe 9 shfaqje./koha.net/
Emona- WebMaster
- Postime : 46759
Gjinia :
Anëtarësuar : 12/03/2010
Similar topics
» Janë ndarë çmimet e festivalit “Skena up”
» ”Skena UP” me 90 filma e 9 shfaqje
» Çmimet e naftës, kërcënim për ekonominë
» “Skena UP” lobon për pavarësinë e Kosovës
» Çmimet Oscar, triumfon ‘The Artist’
» ”Skena UP” me 90 filma e 9 shfaqje
» Çmimet e naftës, kërcënim për ekonominë
» “Skena UP” lobon për pavarësinë e Kosovës
» Çmimet Oscar, triumfon ‘The Artist’
Drejtat e ktij Forumit:
Ju nuk mund ti përgjigjeni temave të këtij forumi
|
|