A do vërtet Taulanti një motër?

Po vjen fëmija i dytë dhe jeni të frikësuar se si mund të reagojë fëmija juaj me motrën apo vëllanë e vogël?

Reagimi i fëmijëve ndaj bebes varet nga mosha, karakteri i fëmijës, por edhe nga sjellja juaj me ta.

Fëmija i parë ju ka pasur totalisht në dispozicion. Tani dikush do t’ju “marrë” kohën dhe dashurinë që ia jepnit atij, dhe kjo nuk është vetëm në imagjinatën e tij. Realisht ju duhet të kujdeseni më tepër për një bebe të vogël, për ta ushqyer, larë etj. Nëse harroni të kaloni kohë më vete me fëmijën e madh, sepse ju merr shumë kohë puna juaj, kujdesi për beben e vogël, jeni shumë të lodhur dhe të pagjumë, ai beson se shkak për këtë është bebja dhe atëherë reagon me zemërim dhe agresivitet.

Gjithashtu, nëse ju bëni ndryshime të rutinës së fëmijës së madh në këto momente, p.sh. nëse e regjisroni në kopsht ose e çoni atë të qëndrojë tek gjyshja sapo bebja lind, atëherë kemi të njëjtat reagime: inat, zemërim, agresivitet.

Kur dy fëmijët kanë një diferencë moshe 2-4 vjet, ata shfaqin më shumë rivalitet mes tyre. Kjo është e kuptueshme, pasi një bebe ka shumë nevojë për kujdes fizik (dhe jo vetëm), kurse fëmija 2.5 – 4 vjeç kalon një periudhë ku për të ka shumë rëndësi prania dhe vëmendja e prindërve. /albeu.com/

Tashme Taulanti kerkon grua........