ASHSH: Propozon Ismail Kadaren për çmimin Nobel 2012

Propozimi i është bërë Komitetit për çmimin Nobel pranë Akademisë Suedeze, me kërkesën e saj për një kandidaturë.

Tiranë - Shkrimtari i njohur shqiptar, me famë botërore, Ismail Kadare propozohet si kandidat për çmimin Nobel në letërsi për vitin 2012.

Propozimi ka ardhur nga Akademia e Shkencave Shqiptare, raporton BW. Kryetari i saj, akademiku Gudar Beqiraj ka propozuar shkrimtarin e shquar dhe anëtarin e Akademisë Ismail Kadare, si kandidat për çmimin Nobel në njohje të veprave të tij, tashmë të përkthyera në shumë gjuhë të botës si dhe të vlerave si përfaqësues i artit dhe kulturës.

Ismail Kadare ka qenë disa herë kandidat për çmimin Nobel, por pa mundur ta fitojë atë. Ndërkohë, Kadare mban titullin “Princi i Asturias” për letërsinë në vitin 2009.

Sikur ta fitonte e Meriton...Nder shkrimtaret me te Mire Qe ka Shqiptaria.

si nuk u lodhen kta me kadaren ka 20 vite qe esht pretendent dhe hic nuk po fiton , mos e diskutoni ka korrupsin ne komision burra