Princi i Arabisë Saudite bëhet aksioner i Twitter

nga Emona Wed 21 Dec 2011 - 1:08

Princi i Arabisë Saudite, Alwaleed bin Talal që zotëron kompaninë “Kingdom Holding Company” ka bërë të ditur se ka investuar 300 milion dollarë në rrjetin social Twitter.

Investimi vjen pas disa muajsh negociata – thuhet në njoftimin e kompanisë saudite për shkëmbimin e aksioneve.

Princi që është një ndër personat më të pasur në botë, zotëron aksione në kompanitë më të njohura botërore, përfshirë edhe News Corporation që zotërohet nga maniati i medieve Murdok.

Gjithashtu ai ka investuar edhe në shumë media në vendet e botës arabe.
“Investimi ynë në Twitter rikonfirmon zotësinë tonë për të identifikuar mundësi të përshtatshme për të hedhur para në biznese që premtojnë rritje dhe me ndikim global”, është shprehur princi. /albeu.com/