Te rejat nga KUQ - E ZINJT

nga Vizitor Thu 5 Feb 2009 - 4:30

Kundershtaret e Shqiperise, miqesore

E Enjte, 05 Shkurt 2009

Shqiperia do te luaje me 11 shkurt ndeshjen e peste te eliminatoreve te kampionatit boteror "Afrika e Jugut 2010", ndersa kundershtaret e grupit tone do te testohen, ne disa ndeshje miqesore. Keshtu, me 11 Shkurt, Portugalia do te luaje ndaj Finlandes, dhe Greqia do te prese Danimarken, ne Athine. Edhe nje tjeter kundershtar i grupit tone, Suedia do te zhvilloje nje ndeshje miqesore, perballe Austrise. Kundershtaret ne fjale jane ne nje grup me kombetaren tone dhe do te testohen para ndeshjeve te ndryshme eliminatore.

nga Vizitor Fri 6 Feb 2009 - 1:04

Ari Han do të bëjë ndryshime në përballjen me Maltën

Trajneri i kombëtares shqiptare të futbollit, holandezi Ari Han, pritet të ndryshojë 2-3 lojtarë në përbërjen e skuadrës për ndeshjen ndaj Maltës, kryesisht në repartin e mbrojtjes dhe atë të sulmit. Megjithëse me probleme në formacion tekniku holandez mësohet të jetë shprehur se "Malta është një pengesë që duhet kaluar. Sepse në të kundërt do të ishte një tragjedi. Nuk mund t'i lejojmë vetes një hap fals në një sfidë të tillë. Edhe një barazim do të ishte tragjedi. Në letër jemi ne favoritët". Sipas stafit të kombëtares shqiptare, me Maltën priten ndryshime të sigurta, ndërkohë që më 4 shkurt, një javë para ndeshjes që do të luhet në La Valeta, trajneri i kombëtares shqiptare do të mbërrijë në Tiranë së bashku me ndihmësin e tij, Subier. Han do të vëzhgojë nga afër ekipet kryesore të Kategorisë Superiore në ndeshjet e para të muajit shkurt, për të vendosur në lidhje me ndryshimet e planifikuara. Gjatë pjesës së parë të këtij sezoni, madje edhe në ndeshjet e kaluara të kombëtares, është vërejtur se sulmuesit e kombëtares sonë nuk janë duke kaluar një formë të mirë. Mbetet gjithashtu për t'u zgjedhur qendërmbrojtësi, i cili i mungon kombëtares prej më shumë se një viti. Deri tani në këtë pozicion ka luajtur Debatik Curri, që sipas trajnerit Han ka shërbyer mjaft mirë në atë rol.