Jolie letër Shoqatës së Gazetarëve të Serbisë

Angelina Jolie përmes agjentit të saj ia ka dërguar një letër Shoqatës së Gazetarëve të Serbisë për të hedhur poshtë shkrimet e disa mediave në Serbi, sipas të cilave, ajo ka bërë thirrje për ndarjen e Republikës Serbe të Bosnjës.
“Kurrë nuk kam bërë thirrje për ndarjen e Republikës Serbe dhe asgjë e ngjashme nuk ka qenë temë e diskutimit në takimin e fundit me presidentin Obama”, thuhet mes tjerash në letrën që e ka publikuar Blic.

Ajo po ashtu ka mohuar se në filmin, “Në tokën e gjakut dhe të mjaltit”, të cilit ia ka bërë regjinë, thuhet se gjatë luftës janë vrarë 300.000 njerëz.

Filmi në fjalë flet për historinë e një gruaje boshnjake-myslimane dhe një burri serb, të cilët bien në dashuri para luftës dhe takohen përsëri gjatë konfliktit – kur ai është oficer në ushtrinë serbe, ndërsa ajo e burgosur në një kamp. /Telegrafi/

Po kjo po luan me duket se ska mundesi.