Taylor Swift braktiset nga i dashuri

nga Emona Sat 11 Feb 2012 - 3:50

Swift dhe britaniku Redmayne u fotografuan pak javë më parë në Londër, ndërsa dukeshin të lumtur duke shijuar jetën e natës së kryeqytetit britanik. Megjithatë, në rikthimin e saj në SHBA, shumë shpejt 22-vjeçarja mësoi se Redmayne ka humbur interesin për të.
Këngëtarja Taylor Swift është duke kaluar kohëra me të vërtetë të vështira.

Vetëm një muaj pasi ajo humbi përballë aktores Samantha Barks në kandidaturën për një rol në filmin e “Les Miserables”, 22-vjeçarja braktiset edhe nga i dashuri i saj.

Sipas asaj që shkruan “US Weekly”, 30-vjeçari Eddie Redmayne i “dha duart” asaj që konsiderohet si “mbretëresha” e muzikës country, pas katër muajsh bashkë.

Swift dhe britaniku Redmayne u fotografuan pak javë më parë në Londër, ndërsa dukeshin të lumtur duke shijuar jetën e natës së kryeqytetit britanik. Megjithatë, në rikthimin e saj në SHBA, shumë shpejt 22-vjeçarja mësoi se Redmayne ka humbur interesin për të.

Njëkohësisht, “US Weekly” botonte zërat e dy burimeve të afërt të secilit prej palëve, me mikeshën e Swift që siguron se ajo është me të vërtetë zemërthyer dhe se i pëlqente shumë ideja e një të dashuri në Britaninë e Madhe.

Nga ana tjetër, një mik shumë pranë aktorit tetë vjet më të madh informoi se ai nuk e kishte menduar asnjëherë si mundësi që të formonte një lidhje në distancë.