Boksieri lezhjan Orial Kolaj, kampion i Italise

Orial Kolaj është kampioni i ri i peshave gjysmë të rënda në Itali. Boksieri lezhian 29 vjeç, që prej vitesh jeton në Lombardi ka mundur mbrëmë në ‘Palazzetto dello sport’ të Romës ish mbajtësin e titullit Danilo D’Agata në një takim me dhjetë raunde.
Që kur ka hipur në ring, ka qenë gjithnjë Orial Kolaj lezhjani ai që ka udhëhequr ‘duelin’. Më i fuqishëm dhe më instinktiv Orial Kolaj, ndërsa më teknik e më i shpejtë sfiduesi, ish mbajtësi i titullit D’Agata.
Boksieri lezhjan Orial Kolaj, kampion i Italise
Në fund të takimit i ndjekur nga një publik i gjerë duartrokitje të zjarrta kanë pritur vendimin e tre gjygjtarëve në favor të Kolajt.
Orial Kolaj nga Lezha është pjesë e ekipit Lauri Team, që menaxhohet nga Augusto Lauri, një mik i madh i boksit kosovar.
I vlerësuar si boksier cilësor nga shumë ekspertë të boksit, Orial Kolaj ka fituar kështu titullin e parë në karrierën e tij.
Orial Kolaj deri para kësaj ndeshjeje, kishte zhvilluar 12 takime profesioniste duke arritur 7 fitore (5 KO) dhe 5 humbje.
Boksieri italian Danilo D`Agata, që mbrëmë u mund nga Orial Kolaj, duke i kaluar atij titullin kampion, kishte deri mbrëmë një bilanc prej 11 fitoresh (3 KO) dhe 1 barazimi. (Lezha.eu)
Video Lajm

Bravo keshtu krenohemi ne shqiptaret.