Laura Pausini “qan” në Facebook për punëtorin që vdiq në skenën e saj

Këngëtarja e njohur italiane, Laura Pausini, ka vendosur që të transmetojë përmes Facebook-ut ndjenjat e saj të dhimbjes, pas vdekjes së punëtorit 31-vjeçar, i cili po rregullonte skenën e njërit prej koncerteve të saj.

Fjala është për 31-vjeçarin Mattheu Armelini, të cilit mësohet se i ka dedikuar një letër të veçantë në profilin e saj në Facebook.

"Të shkruaj këto fjalë për mua është shumë e vështirë dhe e dhimbshme", ka shkruar artistja e njohur.

Duke shtuar se gjendet aktualisht mes konfuzionit dhe një dobësie të madhe pas ngjarjes së rëndë.

"Tragjedia që po prek familjen e tij, më prek edhe mua, inxhinierët tanë, bandën time, valltaret e mia, stafin tim dhe dhimbja që ne ndiejmë tani, është më e madhe se nga ç’mund të imagjinohet”, shkruan më tej Pausini.

Duke përfunduar se të jetosh dhe udhëtosh së bashku, është një gjë e bukur dhe e komplikuar në të njëjtën kohë.

“Ajo sigurisht është për ne një shkollë që na bën gradualisht miq, bashkëpunëtorë dhe pastaj, të ndihemi si një familje e vërtetë. Ndihem vërtet e pafuqishme përballë kësaj humbje dhe uroja që të mund të bëja diçka, por unë nuk mund të bëj asgjë dhe kjo më bën të ndjehem edhe më keq", përfundon Laura Pausini, dedikimin e saj në Facebook.

e.t/NOA

qenka njeri me ndjenja.