Katy Perry ndryshon stilin e muzikës

Këngëtarja Katy Perry ka zbuluar se albumi i saj i ardhshëm do të jetë përplot me "poezi të errëta", pasi që aktualisht është edhe duke u shkurorëzuar nga bashkëshorti i saj, Russell Brand.

Adhuruesit janë mësuar me këngët e Katy Perryt që kanë tekste optimiste dhe ritëm të gjallë, të tilla si "Last Friday Night" dhe "Firework", por duket se ylli është gati për të ndryshuar stilin e saj muzikor.

"Muzika ime do të bëhet shumë e errët. Nuk do të mund ta shihni fytyrën time në video, sepse ajo gjithmonë do të jetë e mbuluar me flokë", ka thënë këngëtarja për revistën "Interview".

Katy ka thënë po ashtu që po e nevrikos fakti që paparacët po e përcjellin e fotografojnë vazhdimisht. "Me të vërtetë është e tmerrshme. Unë jam këngëtare dhe kompozitore. Vetëm kam kërkuar që të ngjitem në skena dhe bota të dëgjojë muzikën time, por si produkt i kësaj është ‘zhdukur’ jeta ime private", tha ajo./knninfo/

ngjan me bukur me kenget e fundit,sesa ato te fillimit.