Perrallat mbarojne, por jeta vazhdon

Në një periudhë shumë të keqe të jetës sime njoha një djalë shumë të bukur dhe të ëmbël që më bëri të dashurohesh seriozisht. Nuk arrija të rrija një çast larg tij. Ishte me të vërtetë i rëndësishëm për mua. Më 17 tetor 2007 filloi përralla jomë e bukur, ose të paktën ajo që unë mendoja se ishte një përrallë dashurie. Kam jetuar me të momente të paharrueshme, plot me dashuri, ëmbëlsi, përkëdhelje, zënie për shkak të xhelozisë së tij absurde. Momente që nuk mund t’i fshij kurrë sepse më përkasin, sepse nuk dua t’i fshij. Përralla ime zgjati 10 muaj. Deri në momentin kur ia vendosi të më zëvendësonte me një që as nuk i pëlqente. Derisa kur ia puthi një vajzë që sapo e njihte. Nuk arrita ta falja, por në një moment të dytë e kuptova që doja atë, vetëm atë. Bëra edhe të pamundurën për ta bërë për vete, për të mos flakur të gjitha ndjenjat që ndjeja dhe që ndoshta edhe ai i ndjente. Megjithatë ai nuk diti të dëgjonte zemrën e tij, donte të fillonte një histori tjetër dhe të harronte të shkuarën, të më harronte mua. Tani që e ka kuptuar se çfarë ka humbur, tani që e ka kuptuar se dhe ai nuk mund të bëjë dot pa mua, tani që e ka kuptuar se gjithë dashurinë që i kam dhënë nuk mund ta ketë, më ka kërkuar falje. Por tani justifikimet nuk vlejnë më, kam kaluar momente për të cilat ti përcaktojë si të këqija është pak, kam refuzuar ushqim, miqësi… gjithçka! Kaloja ditët e mia të mbyllura në dhomë duke qarë, nuk arrija t’i besoja asaj që kishte ndodhur, nuk arrija ta besoja që gjithçka kishte marrë fund, nuk arrija ta besoja që kishte preferuar të tjera përveç meje. Më lëndoi gjatë një periudhë që kisha më shumë nevojë për të, sapo isha operuar. Tani përralla magjike ka mbaruar dhe jam e lumtur që shkoi kështu. Tani që gjithçka mbaroi, duke parë të shkuarën e kuptoj që nuk duhet as ta harroj dhe as ta urrej, por vetëm ta falënderoj sepse kam kujtime të bukura dhe të paharrueshme me të, sepse falë momenteve të vështira u bëra më e fortë, sepse mësova të dua me gjithë veten time, sepse kuptova se përrallat mbarojnë, por pavarësisht të gjithave jeta ecën përpara. Faleminderit.

Burimi: Gazeta Game Over