Njëmijë vite pritje për shiun e metanit në Titan

Në hënën e Saturnit Titan ekzistojnë vende ku shiu bie një herë në çdo një mijë vite, është konkluzion ky i një hulumtimi të fundit astronomik.
Toka dhe Titani janë botët e vetme në sistemin Diellorë, ku lëngjet bien nga lart në sipërfaqen e fortë – edhe pse në Titan bie metan, e jo ujë. Përllogaritja bazohet në gjetjet e sondave Cassini dhe Huygens rreth furtunave me shi të cilat ndodhën më 2004 dhe 2010.

Dr. Ralph Lorenz paraqiti detajet për punën e tij në Konferencën mbi njohuritë për hënat dhe planetet (LPSC) në Teksas, raportoi të enjten BBC. Titani fascinon me faktin se si është “i njëjtë, por i ndryshëm” nga Toka. Erërat dhe shiu kanë formuar sipërfaqen, duke krijuar kanalet e lumenjve, liqenet, bjeshkët dhe brigjet.

Por, atje hidrokarburet e lëngëta zënë vendin e ujit. Në Titan, temperatura e sipërfaqes ka vlerën mesatare prej -179 C.

“Mund të kalojnë shekuj në mes të dusheve, por edhe kur ndodhin ata, ata deponojnë disa dhjetëra centimetra ose madje edhe metra shi”, tha për BBC Dr. Lorenz nga Laboratori Johns Hopkins për fizikën aplikative (JHUAPL) në Maryland. “Kjo është në përputhje me kanalet e thella të lumenjve të cilat mund ti shohim”, shtoi ai. /Telegrafi/

sa shum vite,sa vet kjan vdekur me ket peng ne zemer ahahjahaha