YouTube: Lorik Cana dhe Noga, shqiptarët më të klikuar

Rrjeti më i madh social i videove në internet, YouTube, së fundmi dihet se ka prezantuar statistikat në detaje për artistët dhe personat më të kërkuar në këtë rrjet, ndërsa në mënyrë të befasishme ndër shqiptarët kanë ngadhnjyer Lorik Cana dhe Noga.
Futbollisti shqiptar i cili luan aktualisht për klubin italian, Lazio, është mbret i shqiptarëve në YouTube, pasi ka mbi 15 milionë klikime nëpër videoklipet e tij, të gjitha të kalkuluara së bashku. Këtu përfshihen videot e tij nga paraqitjet edhe me ish-klubet e tij, heroizmat me kombëtaren shqiptare dhe në shumë e shumë video tjera të llojeve të tjera.
Nëse kërkoni për artistët e rinj më të kërkuar në YouTube nga shqiptarët, aty ngadhnjen po ashtu në mënyrë të befasishme tinejxheri Noga. Me qindra mijëra fansa në Facebook, Noga vlen të përmendet se në kanalin e tij ka rreth 23 milionë klikime. Vlen të përmendim se ai ka realizuar bashkëpunime me Flori Mumajesin dhe me Lyrical Son e MC Kreshën, bashkëpunime këto që kanë gjeneruar miliona klikime.

Ndër emrat tjerë te artistët shqiptarë të spikatur për klikimet, flasim tani për seniorët e skenës, atëherë shohim që këngëtari Meda ka miliona klikime, pa harruar as Labinot Tahirin dhe reperët e Baba Stars, e pa harruar as ikonën Unikkatilin dhe Noizyn, dy këta të fundit që ende kanë ‘hesape’ të pa sqaruara sa i përket asaj se kush ka më shumë klikime. /Telegrafi/

Syri,i keq mos i pafte njeri me i bukur se tjetri