Menaxherët burra më të paguar se koleget e tyre

Femrat drejtuese të gjigandit televiziv BBC janë më pak të paguara se kolegët e tyre. Lajmi bëhet ditur nga “Telegraph” që i referohet “Freedom of Information Act”. Mësohet se drejtueset kryesore të televizionit shtetërorë britanikë fitojnë mesatarisht 10% më pak se kolegët e tyre, që e përkthyer në shifra bëhet fjalë për 17 mijë stërlina më pak. Kështu rroga vjetore e drejtuesve burra është 165 mijë sterlina në vit, ndërsa e grave është 148 mijë sterlina.

Por jo vetëm kaq. Edhe numri i personelit është në favor të burrave. Në postet drejtuese janë gati dyfish më shumë burra (82 me 42) dhe më shumë se dyfishi nëse zbresim në shkallët e hierarkisë (223 me 111). Në rastin e punonjësve nuk ka diferenca të mëdha në pagesa, por vetëm me 5 mijë stërlina në vit. Kështu gratë fitojnë 37.100 sterlina në vit dhe meshkujt 41.800 sterlina.

“Duke punuar me përkushtim për vite më radhë, ndihem e zhgënjyer. Besoja se BBC është një vend i mirë për gratë që duan të bëjnë karrierë dhe ishte arritur barazia me burrat përsa i përket pagesës, por mesa duket nuk është kështu. Të shohësh diferenca të tilla në nivelet drejtuese më befason, përveçse më ligështon sepse besoja se në BBC ishin tejkaluar diskriminimet gjinore”, ka thënë për “Telegraph”, gazetarja Joan Bakewell.

Ndërkaq zëdhënësit e BBC i kanë komentuar diferencat në pagesa me etalonin e meritave dhe jo të përkatësisë gjinore, duke nënvizuar se numri i grave në bordet ekzekutive në BBC ishte më i lartë se në të gjitha kompanitë e tjera.

e pra e me hile bejn po ec mo