Tortura për të paguar energjinë

nga Vizitor Tue 28 Dec 2010 - 6:07

Faturat e energjisë elektrike përveçse të shtrenjta për konsumatorin, janë kthyer në makth për t’u paguar. Prej afro dy muajsh faturat nuk mbërrijnë më në shtëpitë e qyetarëve, të cilët vetëm një herë patën fatin t’u mbërrinin me zarf në shtëpi.Tashmë qytetarët që të paguajnë energjinë duhet të vijnë në qendër të Tiranës, të mbajnë radhën për ta marrë faturën e më pas të kthehen për ta paguar atë në zyrat e pagesës.“Fatura vazhdimisht nuk na vjen. Edhe kur vjen zëmë radhën këtu dhe mezi i paguajnë. Jemi detyruar të presin 2-3 orë se ka njerëz shumë”, shprehet një qytetar.“Një muaj vjen një muaj nuk vjen fatura”, thotë një qytetare.Kompania ÇEZ ka hapur këtë zyrë për të pajisur qytetarët me fatura dhe duket se e ka shlyer detyrimin ndaj konsumatorit, që paguan rregullisht edhe pse ndërprerjet e energjisë janë bërë të shpeshta. Qytetarët vazhdojnë të ankohen se energjia u faturohet aforfe, pasi futuristët nuk paraqiten. Por ankesat e tyre nuk kanë vënë në lëvizje asnjë institucion që ka për detyrë t’i mbrojë ata përballë një kompanie private që ofron një nga shërbimet më jetike për shoqërinë. Pranë kompanisë ÇEZ thonë se po përpiqen që shërbimit i faturës të zgjidhet sa më shpejt.“Konsumatorët tanë mund të bëjnë pagesën edhe pse nuk u ka ardhur fatura në arkat përkatëse, pasi akordimet janë bërë në sistemin tonë. ÇEZ po përpiqet që të përmirësojë këtë shërbim sa më shumë të jetë e mundur. Ne jemi të interesuar që faturat të shkojnë nëpër shtëpi për të rritur arkëtimet”, shprehet zëdhënësja e ÇEZ.