Një meteorit kristalor 4,5 miliardë vjeçar, shkencëtarët: “Që nga periudha e formimit të Sistemit Diellor!” (foto)

Shkencëtarët mendojnë se ky shkëmb i bukur ka moshë 4.5 miliardë vjeçare

Kur meteoriti Fukang përfundoi në planetin tonë, askush nuk e priste që të kishte këtë bukuri të pabesueshme. Pas shqyrtimit të specialistëve, u zbuluan kristalet e arta të tejdukshme që quhen Olivine.

Ky meteorit i rrallë peshonte sa një makinë pasagjerësh kur u zbulua për herë të parë, në vitin 2000, në shkretëtirën Gobi në Kinë. Tashmë ai është copëtuar në disa copë dhe si rezultat, kur shfaqet në diell, krijohet një vitro me mrekullueshme nga rrezet e tij.

Një koleksionues anonim ka marrë copën më të madhe të meteoritit, e cila peshon 420 kg. Në vitin 2008, meteoriti pritej që të kapte çmimin e 2 miliardë dollarëve gjatë një ankandi në Nju Jork, por ai ka mbetur i pa shitur.

Ky gur i rrallë është aq i çmuar, sa që çmimi i tij për gram parashikohet rreth 25-35 euro!

Laboratori i Meteoritëve në jugperëndim të Arizonës, i cili posedon 30 kg prej këtij shkëmbi, thotë se “ky meteorit përbën një nga zbulimet më të mëdha të meteoritëve të shekullit të 21-të”.

Konkretisht, sipas shkencëtarëve të këtij laboratori, Fukang lë në hije të gjitha gjetjet e tjera të meteoritëve palasitë (me përbërje hekur-nikeli), edhe pse nuk është meteoriti më i madh që është gjetur ndonjëherë. Për nga madhësia, vendin e parë e zë meteoriti që është gjetur në vitin 2005 në Kansas, i cili peshonte 635 kg.

Ekspertët e Laboratorit të Arizonës pohojnë se palasitët janë transformuar gjatë formimit të sistemit diellor, rreth 4.5 miliardë vjet më parë dhe vetëm pak kampione kanë arritur të shpëtojnë, që nga ajo kohë./albobserver.com

po qenka e leht;perderisa ai e paska ngritur me dy duar