Zak: Fama ime nga fati

Aktori i ri dhe i talentuar Zak Efron ka thënë se për popullaritetin dhe famën e tij duhet falënderuar fatin dhe jo aftësive të tij të aktrimit. Duke folur me rastin e premierës së filmit "The Lucky One" në Londër, aktori 24-vjeç ka thënë se deri tani gjërat në jetë kanë pasur sukses falë fatit, ndërsa tani ka ardhur koha që të dëshmoj se di edhe të aktroj. “Kam pasur shumë fat, por jo falë aktrimit.

Për këtë arsye, qëllimi im gjatë viteve të në vijim më duhet të bëj më shumë përpjekje, të mësoj të aktroj dhe t’i dëshmoj vetes se nuk jam një falsifikator, por se ka arsye që jam këtu ku jam”, është shprehur Efron. Zac është bërë i njohur qysh në moshën 18-vjeçe, falë filmit hit "High School Musical".

Pas një varg rolesh si adoleshent, ai shpreson se roli i tij në filmin “The Lucky One” do t’ia ndryshoj imazhin e idhullit të tinejxherëve. Por regjisori i këtij filmin Scott Hicks, mendon se Efron është një aktor i formuar dhe i rritur. “Ai është i vlefshëm dhe i përkushtuar dhe jam kënaqur duke punuar me të”, ka thënë Hicks./knni/

epo falenderoje fatin atehere