I preku nderin, vëllai qëllon të motrën për vdekje

nga **WebMaster** Sat 28 Apr 2012 - 11:06

MAT – Mirash Miza, 40 vjeç është kthyer në shtëpi dje paradite në gjendje të dehur dhe krejt papritur ka nisur të qëllojë mbi të motrën, e cila ka qenë duke bërë punët e shtëpisë. Policia e Matit ka zbardhur sot disa prej detajeve të vrasjes që shokoi një ditë më parë opinionin publik. Sipas saj, krimi në familje në Mat ka ardhur për shkak se vëllai nuk ka duruar fjalët që fliteshin për të motrën. I dehur, 40 vjecari ka qëlluar të motrën, Shqipe Miza, e cila po bënte punët e shtëpisë në atë moment. Nëna e tyre ka mbetur e shtangur kur ka parë skenën e frikshme, ndërsa 27 vjeçarja ka gjetur vdekjen e menjëhershme.
Ngjarja e rëndë ndodhi në fshatin Mavesht të komunës Ulëz, në rrethin e Matit.