Kid Gashi, shqiptari qe refuzon Jay-Z

nga Emona Mon 30 Apr 2012 - 6:08

New York, 30 prill – Aktualisht në Shtetet e Bashkuara të Amerikës, gati për të pushtuar top-listat muzikore. Siç ka raportuar albaniac, reperi e ka nisur me sportin e futbollit amerikan, por në momentin kur dukej se e ardhmja e tij kishte marrë rrugën përfundimtare, ai vendos që të lërë gjithçka -sportin,shkollën- për të ju dedikuar 100% hip-hopit. Guximi dhe pasioni i tij i çmendur për hip-hopin ka bërë që të vlerësohet pozitivisht në underground e New York-ut dhe që në shume pak kohë të krijojë një emër për veten e tij. Ai ka publikuar Mixtape-in e parë, - një përzierje këngësh origjinale dhe fragmentesh nga hitet më të njohura, "The Last of A Rare Breed", që e vendosi G4SHI-n në hartën e talenteve të reja që duhen parë me vëmendje. "Can't Go Home", "Never Coming Back", "Coulda Shoulda woulda","Before I start", "In My Lifetime","Oh Really", janë disa nga hitet e të riut, i cili shpjegon se “Roc Nation”, një prej kompanive më të njohura muzikore në botë që drejtohet nga Jay-Z, ka qenë dhe vazhdon të jetë e interesuar për ta marrë nën vete G4SHI-n, por dëshira e tij më e madhe është të lidhet me G.O.O.D Music te Kanye West.

"Dua të bëhem artisti më i madh shqiptar në Amerikë!" thotë ai duke buzëqeshur, por me një zë të sigurt e një qëndrim që të tregon se e ka seriozisht kur e thotë këtë.

Këto ditë reperi që ka publikuar një version të tijin shumë cool të "Your Song" nga Lana Del Rey dhe kënga e të cilit "Rocket" është luajtur në radion më të njohur të New York-ut "Hot 93.7", ka marrë pjesë në një koncert në Manhatan, saktësisht në “The Pyramid Club”. Por, siç ka bërë me dije ai vetë, shumë shpejt mund të vizitojë Kosovën, për t’u njohur më shumë edhe me vendin e tij.