John Cusack nderohet me yll në “Walk of Fame”

Bewerlly Hills, 30 prill - John Cusack, i njohur si aktor i të gjitha zhanreve, u bë me yll në bulevardin e të famshmeve të Hollywoodit “Walk of Fame”. Aktori i famshëm është futur edhe zyrtarisht në legjendë, me ç’rast ishte i rrethuar nga familja dhe miqtë e tij.

“Më pëlqen shumë të punoj me aktorët, më pëlqen kur jam i rrethuar prej tyre, janë shpirtra të hareshëm,” tha Cusack, duke zbuluar yllin në sheshin e të famshmëve.

Në ceremoni ishte edhe motra e tij më e vjetër Joanne Cusack, sekretarja e paharrueshme e filmit "Vajza e punësuar", dhe aktorët Jack Blake, Dan Ackroyd dhe Billy Bob Thornton. “Ka diçka magjike tek ai,” tha me krenari motra, Joanne.

Siç citojnë mediat amerikane, aktori 45-vjeçar ka luajtur gjatë gjithë karrierës së tij në zhanre të ndryshme nga komeditë e zeza, nëpërmjet filmave të pavarur deri në blockbusters.

Ai ka bashkëpunuar me Woody Allen, Clint Eastwood, Stephen Frears, ndërsa ka punuar edhe me John Malkovich në filmin "Të jesh John Malkovich" të Spike Johns.

suksese te metejshme