Nicole Scherzinger së shpejti do të bëhet Maria Magdalena

Këngëtarja Nicole Scherzinger ka fituar një rol në mjuzikllin e regjisorit britanik të teatrit, Andrew Lloyd Webber.

Nicole në rock operën " Jesus Christ Superstar " do të mishërojë Maria Magdalenën, Tim Minchin do të mishërojë Judën, ndërsa rolin e Jezusit nuk është caktuar ende se kush do ta luajë, raporton BBC.

Në fakt, publiku i talent show "Superstar" të shtëpisë televizive BBC do të vendosë se kush do të marrë rolin e Jezu Krishtit. Shfaqja së shpejti do të fillojë të transmetohet në televizion, ndërsa thuhet se interesimi është shumë i lartë.

Scherzinger ka qenë në negociata me Webberin, pasi ditë më parë ajo kishte deklaruar se kishte rënë në dashuri me mjuzikllin, shkruan britanikja “The Sun”.

Një mik i afërt me këngëtaren për këtë gazetë ka deklaruar "Nicole është një adhuruese e madh e këtij mjuziklli. Ajo mund të këndoj dhe të vallëzojë pa problem pasi që mjuziklli ka hapa të natyrshëm."/knni/

po pres qe ta shoh sesi do te ngjaj thjesht kot sa per te hequr fiksimin