Meshkujt fërkojnë duart, Sofia Vergara është single

nga Emona Wed 16 May 2012 - 3:28

Sofia Vergara dhe i dashuri saj Nick Loeb kanë përfunduar lidhjen e tyre dyvjeçare. Aktorja e bukur dhe i dashuri saj kohët e fundit ishin grindur vazhdimisht, gjë që çoi në ndarje.

Kohët e fundit Sofia ka dalë e vetme në ngjarjet publike, gjë që ka ngritur dyshime se diçka nuk është duke funksionuar siç duhet në lidhjen e tyre.

“Sofia në ballo ua ka pohuar miqve se ajo dhe Nick kanë ndërprerë lidhjen. Periudhën e fundit, vazhdimisht janë fjalosur dhe për disa kohë ishin një hap larg ndarjes.

Nuk dihet nëse ndarja e tyre do të jetë "përgjithmonë", por tani për tani nuk janë më bashkë, shkruan "New York Post".

Vetëm dy ditë më parë çifti është parë së bashku në një darkë dhe dukeshin të lumtur.

Ky lajm me siguri do t’i gëzojë shumë meshkuj, të cilët e duan Sofia Vergaran, e cila konsiderohet një prej femrave më të dëshirueshme në botë.

Ndërsa së fundi sipas më shumë se një milion lexuesve të portalit “AskMen.com”, aktorja është zgjedhur si femra më e dëshirueshme në botë.

Aktorja dyzetvjeçare kolumbiane është femra më e vjetër, e cila ka fituar titullin që nga viti 2000, kur AskMen.com e ka krijuar këtë çmim./knni/