Vlorë, personeli i morgut djeg arkivolet e studenteve në plehra

VLORË- Një ditë pas publikimit të lajmit në “GSH” të hedhjes së arkivoleve në mbeturinat e spitalit dhe rrezikut të marrjes nga persona të papërgjegjshëm dhe rishitjes së tyre, kanë reaguar menjëherë vetë punonjësit e morgut, të cilët kanë bërë djegien e tyre.

Arkivolet janë djegur në vendin ku dhe janë hedhur nga ana e vetë personelit një ditë pas tragjedisë së rëndë, pasi nuk u bë asgjë për asgjësimin e tyre larg prej spitalit. Sipas punonjësve të morgut, asgjësimi është kryer me procesverbal, ku është mbajtur shënim dhe momenti i djegies.

Kjo, sipas tyre, për të evituar marrjen e tyre nga individë të papërgjegjshëm të cilët mund t’i përdornin përsëri. Ky problem shqetësues u denoncua një ditë më parë dhe vetë drejtuesit e spitalit u shprehën se kërkonin heqjen e tyre.
(el.me/lajmi sot në GazetaShqiptare/BalkanWeb)