Foshnja e hedhur në plehra, identifikohet nëna dhe mjekja e abortit

nga T_o_n_i Tue 22 Jan 2013 - 7:01

TIRANË- 10 ditë pas gjetjes së foshnjës 6 muajshe në kazanin e plehrave në
Laprakë, Policia e Komisariatit Nr. 3 në Tiranë ka arritur të zbulojë
identitetin e nënës dhe mjekes, e cila kreu abortin jashtë periudhës së
parashikuar me ligj.

Në deklaratën e firmosur para strukturave të hetimit shtetasja me
inicialet S.D nënë dhe e dy fëmijëve të tjerë ka pranuar se ndërprerjen e
shtatzaninsë së foshnjes 6 muajshe e ka bërë për arsye të kushteve jo
të mira financiare.

Ajo ka pohuar se është detyruar të sigurojë rreth 40 mijë lekë të reja
borxh, në mënyrë që të paguante mjeken e klinikës private në Laprakë,
shtetasen me inicialet E.TH, e cila ka kryer dhe ndërprerjen e
shtatzanisë.

Pas kryerjes së abortit në klinikën pranë kryeqëzimit të Laprakës, nëna e
foshnjes e ka hedhur më pas në kazanin e mbeturinave pranë Spitalit
Ushtarak.

Policia ka filluar procedimin e njëkohësishëm ndaj nënës dhe ndaj mjekes. Dosja
hetimore i ka kaluar tashmë Prokurorirsë së Rrethit Gjyqësor Tiranë.
Periudha e lejuar me ligj për ndërprerjen e shtatëzanisë me pëlqimin e
nënës është deri në muajin e tretë.