Greqi, kapet shqiptari kishte vrarë 2 vetë e plagosur 5 të tjerë

ATHINE - Kishte kryer 2 vrasje në vitin 1997 dhe u kap vetëm mbrëmë në Greqi. Policia e Athinës arrestoi një shqiptar 43 vjeç, pasi për të ekzistonte një urdhërarresti ndërkombëtar i lëshuar nga autoritetet e Shqipërisë. 43 vjeçari akuzohet për vrasje dhe tentativë vrasjeje, vepra penale të kryera në Shqipëri në qershor të vitit 1997, kur së bashku me bashkëpunëtorët e tij vrau dy persona dhe plagosi 5 të tjerë.

Ndërkaq një 45 vjeçar shqiptar u arrestua nga policia greke në Kakavijë, pasi edhe për të ekzistonte një urdhërarresti ndërkombëtar. Shqiptari u arrestua nga oficerë të policisë greke të Kakavijës, gjatë kontrollit të pasaportave në pikën kufitare, ndërsa tentonte të hynte në Greqi. Arrestimi u krye, pasi nga autoritetet e drejtësisë italiane, ishte lëshuar urdhërarresti për trafikim, trafik droge, grabitje, mashtrim, vepra penale të kryera në qytete të ndryshme italiane që nga viti 1997 deri sot.

sa mir ja paska ber;hakun e grekeve paska marre