Një i vrarë dhe një i plagosur në Pogragjë të Gjilanit

nga Li12i-GG ARMY Sat 27 Feb 2010 - 6:08

Gjilan, 27 shkurt - Një qytetar nga Pogragja e Gjilanit është vrarë dhe një tjetër është plagosur, ndërkohë që policia është në kërkim të dorasit, që është i njohur për policinë, njoftuan të shtunën zyrtarë nga zyra për informim e Policisë së Kosovës në Gjilan. Ismet Hashani, zëdhënës i policisë rajonale në Gjilan, ka thënë se rasti ka ndodh mbrëmë pas orës 17.00, në rrugën që lidh fshatin Pogragjë me fshatin Sllubicë. Sipas hetimeve të para mësohet se i vrari dhe i plagosuri janë babë e bir, S.M (57) dhe A.M., derisa vrasësi është fqinj i tyre, Q. B. që të gjithë nga Pogragja.
Motivet e këtij rasti të rëndë mund të jenë ngatërresat dhe problemet familjare, që dy familjet i kanë pasur në mes veti kohëve të fundit.
Trupi i të vrarit, me urdhër të prokurorit, është dërguar për obduksion në Qendrën e Mjekësisë Ligjore në Prishtinë, derisa hetimet rreth rastit po i vazhdojnë njësitet rajonale kundër krimit.