Mike Stock: Lady Gaga dhe Rihanna s’kanë talent dhe janë të ndyra

Producenti i muzikës Mike Stock, i cili nënshkroi prodhimin e hiteve të shumta ndërkombëtare të viteve ‘80 dhe ‘90, theksoi se këngëtarët po përdorin seksualitetin që të shesin albumet e tyre, e të cilat janë shumë të dëmshme për të rinjtë e sotëm, raporton Daily Mail.

"Receta është shumë e thjeshtë - vendos disa përmbajtje seksuale në video dhe ke zgjidhur çdo gjë. Kjo nuk është vetëm e thjeshtë, por është edhe mjaft dembele. Gjërat e tilla me siguri tregojnë që interpretuesit i mungon talenti," tha Stock.

Ai shtoi se në shumicën e rasteve seksualiteti në videospote u shërben yjeve amerikane të pop muzikës. Lady GaGa dhe Rihanna, pohon Stock, janë shumë të "ndyra", e që kjo ndikon drejtpërdrejt tek vajzat e reja, të cilat edhe janë caku më i lehtë dhe më i zakonshëm.

"Adele kurrë nuk ka rënë dakord për ta bërë këtë. Ajo është e talentuar dhe thjesht nuk dëshiron të bjerë në atë nivel. Unë mund të them se praktikat e këtilla filluan para 15 vjetëve, kurse më parë nuk kanë ndodhur gjëra të tilla. Të paktën jo deri në këtë masë", thotë Stock

Po qe ka te drejte ky Stock, ama edhe zerin e kane te bukur keto te dyja.

per ladyn gagen hajde de;por per rihannen e ka komplet gabim,se ajo esht ylli vertete;e kush esht yll rita ora apo kesha?