Babai i dy fëmijëve vetëdigjet me benzinë në malin e Tomorrit

POLICAN - Një 55-vjeçar i ka vënë flakën vetes në Malin e Tomorrit. Ngjarja ka ndodhur pasditen e sotme në vendin e shenjtë të njohur si Kulmak në mal.
Burime nga policia bëjnë të ditur se Flamur Guri, me profesion elektricist, baba i dy fëmijëve, ka tentuar t’i japë fund jetës duke u vetëdjegur me benzinë, për arsye ende të paqarta. Dyshohet se 55-vjeçari ka qenë në gjendje të rëndë depresive në momentin e ngjarjes.

Mësohet se Guri kishte marrë një taksi që nga banesa e tij, deri në vendin e shenjtë, dhe kur ka mbërritur atje i ka telefonuar bashkëshortes së tij, duke i komunikuar vendimin ekstrem. Ka qenë kjo e fundit që ka njoftuar policinë, e cila e ka gjetur në gjendje tepër të rëndë 55-vjeçarin.

Flamur Guri u dërgua menjëherë në Spitalin Ushtarak në Tiranë, nga ku mësohet se është në gjendje tepër të rëndë, për shkak të djegieve të shumta në të gjithë trupin.

(er.nu/BalkanWeb)

e tmerrshme te bejsh dicka te tille