Endërron numrin e telefonit, gjen shpirtin e tij binjak !

Dhe thonë se nuk ekzistojnë mrekullitë e dashurisë. Pesë vite më parë u
zgjua nga gjumi me një numër të panjohur telefoni që nuk i linte të qeta
mendimet e tij. Kështu vendosi që t’i dërgojë një mesazh këtij numri,
për të kuptuar se kush ishte dhe ku e kishte njohur. Duke e bërë këtë
gjeti vajzën e ëndrrave të tij. Mesazh pas mesazhi, dy të rinjtë e
panjohur u panë, u njohën dhe u lidhën me dashurinë e përjetshme.
Ngjarja është historia e jetës së një çifti britanik e treguar në
gazetën e përditshme britanike “Daily mail”. Protagonist i saj është një
24-vjeçar nga Londra. Aktualisht, çifti sapo është kthyer nga muaji i
tyre i mjaltit në Goa, Indi. Një natë më parë shkova në një pab me miqtë
e mi dhe sigurisht pimë e u argëtuam. “Në mëngjes, kur u zgjova, nuk më
ndahej mendja nga një numër i panjohur telefoni, kështu mendova se
duhet ta kem fiksuar nga ndonjë vajzë që e kam njohur në pab, por nuk e
mbaja mend për shkak të pijes. Kështu vendosa t’i shkruaj një mesazh dhe
ta pyes: Mos të kam njohur mbrëmë?”, tregon Davidi 24-vjeçar. Por
mesazhi që i erdhi si përgjigje ishte i një vajzë në atë kohë
17-vjeçare. Vajza ishte duke udhëtuar në makinë me prindërit e saj dhe e
kuriozuar i është përgjigjur: Kush je dhe nga vjen? Vajza nuk kishte
qenë në atë pab atë natë dhe nuk e kishte idenë as ajo dhe as djali se
si ai “persekutohej” në ëndrra nga numri i saj i telefonit. Kurioziteti
bëri që të rinjtë të vazhdonin t’i dërgonin mesazhe njëri-tjetrit. Nga
mesazhet ata kaluan më pas në telefonata, në shkëmbimin e fotografive
dhe më në fund shigjeta e Kupidit kishte goditur në shenjë. “Ishte
dashuri që në shikimin e parë “, tha 24-vjeçari, i cili ende sot nuk
arrin të shpjegojë se si ka mundësi që kishte ëndërruar pikërisht numrin
e saj të telefonit, i cili kishte vetëm pak numra ndryshe nga numri i
tij.