Lojërat e fatit vetëm në një zonë të Tiranës, Basha mbledh grupin e punës

TIRANË- Një grup pune i kryesuar nga Kryebashkiaku Lulzim Basha është mbledhur sot në mesditë për të vendosur në lidhje me zonat ku pritet të vendosen lojërat e fatit në kryeqytet.

Sipas të dhënave nga Bashkia e Tiranës, mësohet se ky grup ka klasifkuar 4 zona si më të mundshme për të vendosur aty të gjitha lojërat e fatit.

Bashkia sqaron se zonat në fjalë janë, Bregu i Lumit, Tufina, Yzberishti dhe Uzina eAutotraktorëve

Grupi i punës do i propozojë Këshillit Bashkiak, vendosjen e një tarife të veçantë, e cila mund të arrijë në 50% të xhiros për lojrat e fatit.

Aktualisht, në Bashkinë e Tiranës ushtrojnë aktivitet 56 njësi qendrore, kazino elektronike dhe baste sportive, të cilat kanë 1012 salla lojrash, si edhe 600 salla lojrash të palicencuara.

Me këto masa, Bashkia e Tiranës ka për qëllim të sigurojë një monitorim më të mirë të këtij aktiviteti dhe frenimin e problemeve sociale, komunitare dhe të kriminalitetit të lidhur me këtë aktivitet.
(ma.ar/BalkanWeb)