“Bekim Fehmiu - pasuri e humbur në heshtje” udhëton në Beograd

Ekspozita “Bekim Fehmiu - pasuri e humbur në heshtje”, në qershor të këtij viti, ishte ndalur edhe në kinemanë ABC në Prishtinë.Pas Pejës, Prishtinës, Prijedorit, Sarajevës e Prizrenit, ekspozita “Bekim Fehmiu - pasuri e humbur në heshtje” do të hapet edhe në Beograd. Nga 7 shtatori, për një javë rrëfimi për aktorin e madh shqiptar do të ndalet në “Dom Omladine” të kryeqytetit serb, transmeton Koha.

Me paraqitje kronologjike të jetës së Bekim Fehmiut, nga fëmijëria e tij e hershme deri në vitet pak para vdekjes, ekspozita “Bekim Fehmiu - pasuri e humbur në heshtje” përmban prezantimin e karrierës së shkëlqyer dhe të pasur në aktrim të Fehmiut, por njëkohësisht edhe dëshmitë për qëndrimet dhe botëkuptimet e tij të veçanta etike, intelektuale dhe humaniste, që tejkalojnë kufizimet e kulturës dhe kufijve kombëtarë.

Në ekspozitë paraqiten intervistat për gazetë të realizuara me Bekim Fehmiun në periudhën nga viti 1967 deri më 2001, pjesë librash, dokumente nga jeta e tij personale, sende personale, fotografi, posterë filmash, por edhe paraqitje tonike dhe video.

Duke shfrytëzuar ato që Bekim Fehmiu i ka treguar për veten dhe jetën e tij në intervistat për gazeta dhe në memoaret që janë botuar në vitin 2001, kjo ekspozitë në një mënyrë paraqet tregimin e Bekim Fehmiut për vetveten. Pas Beogradit ekspozita do të hapet në Kralevë të Serbisë dhe në Firence e Trento të Italisë./knni/

ke ato tposhtrit paska shku..