Kodi i Shqipërisë, trishton Serbinë

PRISHTINE -
Iniciativa e deputetit të Lëvizjes për Bashkim, Agim Kuleta, e
mbështetur nga Kuvendi i Kosovës, që Kosova të ketë kodin e vet të
telefonisë, ose të shfrytëzojë atë të Shqipërisë +355, e ka shtyrë të
ashtuquajtura Zyrë e qeverisë serbe për Kosovën t’i dërgojë një protestë
Unionit Ndërkombëtar për Telekomunikacion – ITU.

“Rezoluta e
nxjerrë nga autoritetet në Prishtinë, me të cilën kërkohet që prefiksi
ndërkombëtar i Serbisë (381), që shfrytëzohet nga telefonia fikse dhe
mobile në Kosovë, të zëvendësohet me prefiksin ndërkombëtar të
Shqipërisë (355), paraqet shkeljen më të vrazhdët të marrëveshjeve dhe
standardeve ndërkombëtare”, thuhet në këtë protestë dërguar ITU-s,
transmetojnë mediat serbe.

Zyra e qeverisë serbe e karakterizon
këtë rezolutë si një hap i radhës i Prishtinës që tregon se “pala
shqiptare nuk dëshiron që çështjet kontestuese ndërmjet Beogradit e
Prishtinës të zgjidhen me negociata”.

Në këtë komunikatë thuhet
se edhe qeveria serbe i është drejtuar organizatave relevante
ndërkombëtare me qëllim që të parandalohet zbatimi i rezolutës për
ndërrimin e kodit serb 381 me atë të Shqipërisë 355.

(er.nu/tg/BalkanWeb)

bravo shum bukur ahaha sa po mbohet qefi...