‘Shqipëria braktisi Kosovën për Serbinë’

Aktivistët e Aleancës Kuq e Zi kanë qenë të pranishëm gjatë ditës së shtunë në qytetin e Elbasanit, ku kanë kritikuar sërish vendimin e parlamentit shqiptar për heqjen e vizave me Serbinë.

Sipas Aleancës, “si PD, ashtu dhe PS, braktisën Kosovën me këtë veprim në favor të Serbisë”.

Aleanca Kuq e Zi shprehet se “Shqipëria duhet ta kushtëzojë Serbinë me Kosovën dhe jo të hapë kufijtë për të pa kushte”.

“Kjo, në një kohë kur serbët kanë bllokuar kufijtë për kosovarët, duke ngritur barrikada”, kanë thënë në Aleancën Kuq e Zi.

Aktivistët e Aleancës ndërkohë kanë shpalosur një flamur gjigant kombëtar në kalanë e Elbasanit.