Pogradec, vret vëllanë dhe gjyshin e gruas, arrestohet 25-vjeçari

nga **WebMaster** Fri 14 Sep 2012 - 10:46

POGRADEC- Një vrasje e dyfishtë me armë zjarri ka alarmuar sot qytetin juglindor të Pogradecit.

Ngjarja
ka ndodhur sot rreth orës 16:30, në qendër të qytetit, ndërkohë që
viktima kanë mbetur shtetasit Fatmir Muhaxhiri 65-vjec dhe Dritan
Myrteza 38-vjec.

Policia e Pogradecit ka mundur të arrestojë
autorin e ngjarjes. Ai është shtetasi Romeo Myrteza 25-vjec. Në momentin
e arrestimit autorit i është gjetur edhe arma me të cilën kreu krimin.

Sipas
të dhënave të para nga blutë e qytetit të Pogradecit, mësohet se një
konflikt familjar është bërë shkak për vrasjen. Policia sqaron se njëri
nga viktimat ishte gjyshi i gruas së 25-vjecarit.

Por pas
kontrollit në banesën e këtij të fundit, policia konstatoi se Romeo
Myrteza kishte kryer edhe një tjetër krim. Ai kishte ekzekutuar në
banesë vëllanë e tij Dritan Myrteza 38-vjec.

Hetimet për ngjarjen vijojnë, ndërkohë që mësohet se viktimat dhe autori i përkasin komunitetit rom.
(ma.ar/BalkanWeb)