Vëllezërit vlonjatë peng 2 fëmijët e italianes: Prostituo për ne

nga **WebMaster** Mon 24 Sep 2012 - 22:59

VLORË-
Mbajtën peng dy fëmijë të mitur të një shtetasje italiane, policia e
Vlorës arreston dy të dyshuar për grabitjen e tyre, Altin dhe Besjan
Kaçaj. Sipas policisë së qytetit bregdetar shtëpia ku mbaheshin dy
fëmijët ndodhet në zonën e Ujit të Ftohtë dhe ajo u zbulua nga policia
vetëm pak kohë pasi nëna e të vegjëlve nëpërmjet konsullatësh italine
kërkoi ndihmën e shtetit.

Policia e qytetit bregdetar në një
konferencë për mediat njoftuar se nga hetimet paraprake dyshohet se të
vegjlit janë mbajtur peng me qëllim që ti behej presion nënës së tyre
nga ana e autorëve, të cilët kërkonin para ose në formën e gjobës, ose
duke prostituuar.

“Ditën e djeshme rreth orës 13:00 të paradites
në ambientet e Drejtorisë së Policisë Qarku Vlorë është paraqitur dhe
ka dhënë kallzim shtetasja italiane me iniciale V. P., e cila ka
kallzuar faktin se rreth 2 muaj më parë ka ardhur në Vlorë me pushime me
dy fëmijët e saj, dy djem 10 dhe 7 vjec, tek një i njohur prej saj
shtetasi: Altin Festim Kacaj, vjec 37, banues në lagjen “10 Korriku”
Vlorë. Ky i fundit, nëpërmjet mashtrimit i ka mbajtur fëmijët në Vlorë
me pretendimin për ti lënë me pushime dhe ajo të shkonte të vazhdonte
punën e saj në Itali. Duke i bësuar, kjo shtetase ka lënë 2 fëmijët e
saj në Vlorë dhe është larguar për në Itali së bashku me shtetasin Altin
Kacaj. Pasi kanë shkuar në Itali së bashku me vëllain e tij Besmir
Kacaj, nën presionin e moskthimit të fëmijëve e kanë detyruar të
prostituohej këtë shtetase në Itali, me qëllim për t’ju siguruar atyre
shuma të konsiderueshme parash. Gjithashtu në vazhdimësimësi për 2 muaj
me radhë kjo shtetase është mbajtur nën presion dhe është kërcënuar nga 2
personat e mësipërm për të vijuar këtë aktivitet kriminal.”,- thuhet në
njoftimin e policisë.

Të gjitha veprimet e mësipërme janë kryer
në bashkëpunim dhe nën drejtimin e Prokurorisë për Krimet e Rënda
Tiranë dhe Departamentit Kundër Krimit të Organizuar në Drejtorinë e
Përgjitheshme të Policisë së Shtetit.
(e.m/BalkanWeb)