Tiranë, urbani gërvisht makinën e policisë, konfliktohen 8 persona

nga **WebMaster** Thu 4 Oct 2012 - 0:17

Nga: SPARTAK KOKA

TIRANË- Një
sherr masiv ka ndodhur në qendër kryeqytetit gjatë mesditës, sherr i
cili ka trembur dhe qytetarët e pranishëm. Operacioni i policisë për
kapjen e një personi në kërkim është kthyer në një sherr dhe përleshje
të tre efektivava të njësisë operacionale speciale dhe dy personave në
një autobus ngjyrë të kuqe.
Njësia operacionale i ka bërë shenjë
ndalimi autobusit të një firme pijesh freskuese me targe TR 3270 F në
rrugën e Durrësi, autobus i cili nuk ka ndaluar dhe ka gërvishtur
makinën e kësaj njësie. Sapo ka mbërritur tek stacioni i autbusave të
Kamzës shoferi ka braktisur mjetin bashkë me një person tjetër, i cili
është futur menjëherë në një autobus të transportit Urban, person i cili
sipas polcisë ishte objektivi për tu ndaluar.

Burime të
policisë Tiranë bëjnë me dije se si rezultat i përleshjes fizike kanë
pësuar dëmtime dy efektivë policie si dhe plagosur dy persona të tjerë
mes tyre shoferi i autobusit urban Martin Curri, i cili është në
reanimacionin e Spitalit Ushtarak në gjendje të rëndë.

Policia e
Tiranës bën me dije se aktualisht janë shoqëruar në Drejtorinë e
Policisë së kryeqytetit dhe Komisariatin numër 3 të gjithe personat e
përfshirë në ngjarje për sqarimin e plotë të rrethanave të ngjarjes, mes
tyre dhe personi i shpallur në kërkim nga policia i shoqëruar tre muaj
më parë për armembajtje pa leje.

Dëshmi të detajuar për oficerët e policisë gjyqësore ka dhënë i gjithë grupi i efektivave i përfshirë në operacionin policor.

(e.m/BalkanWeb)