Çitaku: Ditë e rëndësishme në raportet Kosovë-BE

PRISHTINË-
“Dita e sotme është e veçantë, shënon fillimin e një procesi shumë të
rëndësishëm në marrëdhëniet e Kosovës me BE-në”, tha ministrja e
Integrimit Evropian Vlora Çitaku, në një konferencë shtypi pasdite pas
publikimit të Studimit të Fizibilitetit për Marrëveshjen e Stabilizim
Asociimit mes BE-së dhe Kosovës.

“Ky do të jetë hapi i parë
formalo-juridik në rrugën tonë drejt BE-së. Komisioni Evropian ka
rekomanduar hapjen e negociatave për nënshkrimin e marrëveshjes për
stabilizim asociim. Kosova tashmë ka arritur t’i tejkaloj të gjitha
sfidat politike për të filluar negocimin e marrëveshjes për stabilizm
asociim dhe ky është një sukses yni i përbashkët i të gjitha
insitucioneve të Kosovës dhe qytetarëve të saj”, tha ajo.

Ministrja
Çitaku shtoi se, “katër kriteret afatshkurtëra për fillimin e
negociatave të përcaktuara në studimin e fizibilitetit që kanë të bëjnë
me sundimin e ligjit, reformën e administratës publike, trashëgiminë
kulturore dhe tregtinë, janë të të realizueshme në kohë afatshkurtër dhe
ne tashmë jemi në proces të implementimit të tyre”.

Në këtë
drejtim, tha ajo, ligji për konfiskimin dhe sekuestrimin e pasurisë së
fituar në mënyrë të paligjshme tashmë është na Kuvend, gjithashtu
strategjia kundër korrupsionit ka kaluar në Kuvend, ndërsa sigurimi i
pavarësisë financiare për Avokatin e Popullit tashmë është rregulluar
dhe është reflektuar në projekt-ligjin e ri për buxhet.

Sipas
ministres Çitaku, “Kosova shumë shpejt do t’i realizoj në përpikëmëri të
gjitha këto kushte afatshkurtëra dhe do të fillojë me negociatat për
nënshkrimin e marrëveshjes për stabilizim asociim”.
(ma.ar/BalkanWeb)

URIME TMATEJSHME KOSOVARVE