Këto ushqime dëmtojnë dhëmbët

Që kur kemi qenë të vegjël na kanë mësuar t’i lajmë dhëmbët tri herë në ditë, pas çdo vakti dhe jo për më pak se tre minuta. Filli dentar, shpëlarje e gojës, pastë dhëmbësh nga më të mirat…
Këto janë shumë të nevojshme, por nëse kujdesemi edhe për ushqimin buzëqeshja jonë do jetë më e bukur.

Shumë njerëz nuk e kuptojnë efektin e keq që kanë disa ushqime për dhëmbët e tyre. Konsumimi i rregullt i produkteve që përmbajnë acid i dëmton së tepërmi ato. Larja vepron kundër tyre, por ajo nuk i mbron gjatë gjithë kohës.

Pijet me gaz, kafeja apo edhe alkooli janë shkaktuesit kryesor të këtij problemi. Ja cilat janë disa ushqime të tjera të dëmshme për dhëmbët.

Soda: Pijet me shumë sodë nuk u bëjnë mirë dhëmbëve. Nuk ka rëndësi as ngjyra e tyre, as shija, asgjë. Konsumoni më shumë pijet pa gaz.
Pijet energjike: Pijet energjike që ju i keni shumë qejf janë ato që sjellin dëmet më të mëdha. Ato përmbajnë shumë sheqer dhe acid ascorbik. Sipas një studimi, nëse një fëmijë 14-vjeçar konsumon pije të tilla, do të dyfishojë rrezikun që dhëmbët t’i gërryhen.
Karamelet: Karamelet industriale janë shumë të ngjyrosura dhe kanë tendencë të ngjyrosin edhe gjuhën. Të rriturit i duan ndërsa fëmijët i adhurojnë. Edhe ato përmbajnë acide dhe dëmtojnë dhëmbët.
Disa lëngje frutash: Lëngu i limonit, i mollës dhe pjesës më të madhe te agrumeve. Kuptohet që ato kanë edhe shumë të mira prandaj nuk duhen eliminuar fare por duhen konsumuar me kujdes.
Uthulla: Uthulla gjendet tek disa produkte ushqimore dhe ajo shkakton probleme me dhëmbët. Tek fëmijët efekti është më negativ duke qenë se dhëmbët nuk janë aq të fortë.

Disa këshilla: Mos mbani në gojë për shumë kohë një pije me gaz. Ju nuk duhet të shpëlani gojën me atë thjesht duhet ta gëlltisni.

Pas çdo vakti shpëlani gojën ose hani një çamçakëz. Konsumoni sa më shume produkte që përmbajnë kalcium dhe hekur.

Lajini dhëmbët të paktën pas 20 minutash pasi keni mbaruar së ngrëni. Përdorni pasta dhëmbësh me shumë flor.

Kur i lani dhëmbët mos e shpëlani shumë herë gojën në mënyrë që flori të qëndrojë më shumë tek dhëmbët dhe tek goja.

Bëni shpesh kontrolle tek dentisti.

Lum dhembet e mia qe jan te bardha..sepse asnje qe the ti lart un nuk i perdor..