Vetëvendosje protestë para qeverisë, plagoset Albin Kurti

PRISHTINE- Aktivistët e Lëvizjes Vetëvendosje janë përleshur që në mëngjes me policinë e Kosovës, pasi këta të fundit kanë tentuar të futen në ndërtesën e qeverisë.

Protestuesit fillimisht hodhën domate e qumësht në drejtim të policisë, ndërkohë përdorën edhe gurë në drejtim të godinës së qeverisë dhe të Kuvendit. Policia përdori gazin lotsjellës për t'i shpërndarë, ndërsa ka arrestuar disa nga ta, mes tyre edhe Albin Kurtin.

Ndërkohë Albin Kurti është plagosur lehtë gjatë përleshjes me policinë. Lajmi konfirmohet për News24 nga nënkryetari i Vetëvendosjes, Shpend Ahmeti.

Mësohet se janë arrestuar edhe deputetët Liburn Aliu dhe Xhelal Sveçla.

Protesta e Vetëvendosjes erdhi kundër takimit të kryeministrit Thaçi-Daçiç. "Jo pazare me Serbinë”, shkruanin pankartat që mbanin në dorë protestuesit.
(ma.ar/BalkanWeb)