Kriza greke, paradë e varfër ushtarake më 28 tetor në Selanik..

nga **WebMaster** Sun 21 Oct 2012 - 21:34

Anila Jole

Kriza greke, paradë e varfër ushtarake më 28 tetor në Selanik.. 59562

Kriza ekonomike në Greqi shkurton edhe kostot e paradave ushtarake, që zhvillohen çdo vit në këtë vend.

Kostoja
e paradës ushtarake të këtij viti në Selanik më 28 tetor do të jetë
shumë më e vogël sesa vitin e kaluar. Për shkak të krizës, shpenzimet
për dy paradat e zhvilluara këtë vit, më 25 mars në Athinë dhe 28 tetor
në Selanik, janë llogaritur 320 000 €, ose 115 000 euro më pak se në
vitin 2011, kur paradat kushtuan në total 435 000 euro.

Të
dielën e ardhshme në Selanik do të zhvillohet vetëm paradë këmbësorie
dhe nuk do të marshojnë njësitë e mekanizuara e nuk do të ketë as
demonstrime të avionëve ushtarakë. Preventivi nuk do të kalojë 230 000
€, pasi marina ushtarake vendosi të mos marrë pjesë në festime me anije
fregatë, siç ishte planifikuar fillimisht.

Parada ushtarake e 25
marsit në Athinë, sipas të dhënave nga Shtabi i Përgjithshëm ka
kushtuar në total 1 753 000 euro, ndërsa ajo e Selanikut 1 313 000 euro,
përfshirë marinën, forcat ajrore dhe Shtabin e Përgjithshëm. Të dyja
bashkë i kushtonin buxhetit të shtetit 3 066 000 € në vit.

Parada
e 28 tetorit zhvillohet me rastin përvjetorit të fillimit të luftës
italo-greke dhe sivjet shënohet 72 vjetori i fillimit të saj. 28
tetori njihet nga populli grek si “dita e JO-së”, pasi kryeministri i
asaj kohe Joanis Metaksas refuzoi me një JO, ultimatumin e Italisë së
Musolinit, për të hyrë pa hasur rezistencë në tokën greke nëpërmjet
kufirit shqiptar, gjë që u bë shkak për fillimin e luftës. Edhe këtë
vit, kjo ditë kremtohet në një situatë të vështirë për Greqinë, e cila
është e detyruar të përjetojë masa tepër shtrënguese ekonomike dhe për
këtë qytetarët grekë, fajësojnë gjithë klasën politike. Një vit më parë,
në Selanik u zhvilluan incidente me presidentin Karolos Papulias, dhe
për herë të parë në histori, parada ushtarake e 28 Tetorit u anulua.

nga **Anakonda** Mon 22 Oct 2012 - 4:57

E meritojn nga njona on sa mbohet qefi per ta..

Kriza greke, paradë e varfër ushtarake më 28 tetor në Selanik..

Kriza greke, paradë e varfër ushtarake më 28 tetor në Selanik..

Re: Kriza greke, paradë e varfër ushtarake më 28 tetor në Selanik..