Serbët kundër ndërtimit të shtëpive për shqiptarët

Serbët kundër ndërtimit të shtëpive për shqiptarët

Rreth 30 serbë janë tubuar të mërkurën në mesditë në lagjen Kroi i Vitakut, në veri të Mitrovicës, për të kundërshtuar vazhdimin e ndërtimit të shtëpive të shqiptarëve në këtë lagje.
Një kompani e angazhuar për rindërtimin e shtëpive ka filluar të mërkurën pastrimin e shtëpive të djegura të shqiptarëve gjatë luftës, ndërsa rreth mesditës një grup prej 30 serbësh kanë bllokuar rrugën që shpie tek shtëpitë që janë duke u pastruar në thellësi të lagjes.

“Serbët kanë hedhur gurë në drejtim të automjeteve të kompanisë dhe kanë demoluar një furgon të një shqiptari i cila ka kaluar atypari në atë kohë”, kanë thënë burimet e Kosovapressit, duke shtuar se punët në pastrimin e shtëpive nuk janë ndërprerë asnjë moment meqë makineria e kompanisë ka shfrytëzuar rrugë alternative për të depërtuar në thellësi të lagjes.

Burimet më tej kanë shtuar se serbët e tubuar pas një orë e gjysmë janë shpërndarë.

Bllokimin e rrugës nga serbët në Kroin e Vitakut, e ka konfirmuar edhe zëdhënësi i policisë në Mitrovicë, Besim Hoti.

Sipas tij, gjatë tubimit nuk u regjistrua asnjë incident.

kta serbet dun....leje sjom tu fol ma se mi marrin gjanat per ters