Vrasja e 9-vjeçarit, vijon hasmëria mes familjeve, pritë 2 vëllezërve Shkreta

MAMURRAS-Një i vdekur dhe 1 i plagosur është bilanci i
një atentati me armë zjarri të ndodhur pasditen e sotme në
Fushë-Mamurras, e cila “rizgjoi” hasmërinë ndërmjet dy fiseve Shkreta
dhe Llani. Viktimë e atentatit ka mbetur Gentian Shkreta, ndërkohë që
është plagosur rëndë vëllai i tij Leli Shkreta, i cili është dërguar
menjëherë në Spitalin Ushtarak të Tiranës.

Burime nga policia
bëjnë me dije se autorë të ngjarjes janë Muharrem Llani si dhe Jetmir
Llani babai i 9- vjeçarit, i cili mbeti i vdekur në qershor të këtij
viti nga dy djemtë e familjes Shkreta që nxiti edhe tragjedinë ndërmjet
dy familjeve.

Nga hetimet paraprake mësohet se dy vëllezërit
Gentian dhe Leli Shkreta po ktheheshin nga Serbia, teksa janë hasur me
pritën e ngritur nga Muharrem dhe Jetmir Llani pranë një pike karburanti
në afërsi të urës së Lumit Droj.

Policia ka shpallur në kërkim 2
autorët e ngjarjes, ndërkohë bluzat e bardha bëjnë me dije se gjendja e
vëllait të plagosur është e rëndë.

Vrasja e 9-vjeçarit.
Në
qershor Olgert dhe Mariglen Shkreta, vranë djalin 9-vjeçar të Jetmir
Llanajt gjatë një atentati, duke bërë që dy familjet Llanaj dhe Shkreta
të hynë në hasmëri. Mark Shkreta, babai i dy autorëve të atentatit të 5
qershorit në Mamurras ku humbi jetën 9-vjeçari Endrit Llani dhe u plagos
rëndë xhaxhai i tij, u vra mëngjesin e 20 korrikut në
kryeqytet, ndëkohë autor i krimit u dyshua babai i djalit të vrarë,
Jetmir Llani. Jetmir Llani u arrestua në shtator nga policia, por u
lirua sërish për mungesë provash që mund të vërtetonin autorësinë e
krimit.
(e.m/BalkanWeB)

kjo mpun ka dash me u bo me koh jo tashi nfund fare